黃婉佩與男友拍拖以來表面恩愛，但最近二人經常因小事吵架，與此同時又傳出阿嬌力追其男友，亦有指其男友曾Send短訊追求阿嬌。

阿嬌經理人Mani接受本報電話訪問時說：「感情問題就由Race同男朋友自己處理，唔想阿嬌牽涉在內，如果阿嬌有乜令Race誤會，我會勸喻阿嬌對異性唔好太熱情，要收斂吓，唔好惹起誤會！」Mani力撐阿嬌只是將相片跟其他人分享，而身為《前度》監製的杜汶澤亦表示收過阿嬌的短訊和相片，故不覺得阿嬌力追Race男友。

至於Race昨日接受本報電話訪問時則一輪嘴地說：「講真，做藝人實有人追，我一早同男朋友講咗，話如果我哋兩個都有人追，就一定要同對方講，我男朋友好乖，主動同我講話有女仔Send短訊同自己啲相畀佢，又畀晒啲短訊同E-mail我睇！」Race更提高聲線告誡藝人小心言行，否則會破壞形象：「全世界都知我哋拍緊拖，但阿嬌Send SMS畀我男朋友，我男朋友只係拍五日戲，拍完就唔會同佢再有聯絡！」

Fans預祝生日

此外，今天是阿嬌生日，歌迷得悉她今天赴內地拍劇，故早前逾百歌迷跟她提早慶祝，又送上金咪、電影拍板及大批米奇老鼠禮物，令阿嬌感動萬分！