曾志偉昨日為英超球隊伯明翰與服裝品牌特步合作的簽約儀式擔任司儀，再任演藝人協會會長的他，對於亞視奪得香港電影金像獎轉播權，將令出席的藝人尷尬，他說：「未開會，呢啲等金像獎嗰邊公布啦！以前都試過唔喺無綫播，電影人有電影人嘅身份。（謝天華同陳法拉有冇同你反映﹖）未知，睇吓公司嘅反應。」此外，對於有傳取消傳媒大獎，志偉認為無可厚非，因有人缺席便不完善，電影金像獎及金馬獎也試過從缺。至於有四部電影同以關羽為題材，他說：「唔好搶拍囉！鬥快拍一定拍得唔好。」
另外，有機會憑《LAUGHING GOR之節》入圍金像獎的謝天華，對於亞視將作轉播，他說：「希望唔好針對邊個電視台，香港金像獎係屬於香港，唔係個別公司嘅事，我作為影視界一分子，一定會出席同支持。」至於陳法拉則表示金像獎舉行期間要拍劇，一切聽從公司安排。