據知港台為應否頒發「傳媒大獎」意見兩極，一派認為無綫賽果不公，籲退出四台聯頒抗議，另一派則不欲得失英皇及無綫，提議照頒。由於四台聯頒獎項要四台開會取得共識，但無綫堅拒開會，港台迫於無奈照頒「傳媒大獎」。據知，當晚頒獎禮的獎項不會偏向任何唱片公司，故祖兒勢奪「傳媒大獎」，力追的Eason分享機會渺茫。港台頒獎禮總監馮偉棠表示，仍盡最後努力找三台開會，最遲下周二有定案，若無綫拒絕開會的話，惟有照頒。

另外，Eason昨日出席《DUO陳奕迅2010演唱會》記者會，宣布加開三場，共15場門票今日公開發售。對於欠缺無綫宣傳下個唱反應依然理想，他說：「有你哋傳媒宣傳都好夠，有埋電視台就更好啦！」對於港台為免得失無綫與HKRIA而傳出他與祖兒齊奪「傳媒大獎」？Eason說：「獎項重質不重量！頒獎經過好多考慮，呢啲報道我當娛樂騷睇！（取消傳媒大獎？）有獎好過冇！唔理係咪傳媒大獎！獎係令歌手有推動力，無論將來四台、七台定十二台聯頒，獎都係鼓勵！」

演員身份亮相亞視

對於亞視轉播香港電影金像獎，令他大有機會亮相亞視，他說：「我哋都係以演員身份出席啫！（請四大唱片歌手表演？）唔知喎！」談到李克勤繼續用普通話接受有線訪問，他笑說：「佢係咪想練吓普通話咋！」環球高層黃劍濤則表示公司准許歌手用廣東話受訪，各人有使用語言的自由，而他亦未接到歌手會任金像獎表演嘉賓的消息。