前晚Jessica C.出席翁狄森的首飾品牌Life of Circle活動，她穿上低胸裙晒警鐘胸！Jessica希望桃花帶挈她賺錢，可租住更理想的單位，問到會否與男友Sergio同住，她說：「希望啦！等佢喺米蘭行完騷再計劃，我哋農曆新年去日本做嘢。（Tokyo Girls Collection行騷？）唔係。（希望桃花運帶來更多男友？）呢刻已經好好！」她強調新的一年，希望形象健康性感，已減少進食，被問到會否擔心警鐘胸變成迷你警鐘，她說：「或者啦！迷你都幾好！」此外，翁狄森大讚Jessica是當紅模特兒，她即以廣東話反問：「係咩？」翁狄森更展示模特兒女友蔣怡的照片，Jessica大讚靚女。