張敬軒和謝安琪（Kay）昨日出席《饑饉三十》記者會，戴口罩的軒仔說：「之前去經理人公司晚宴，第二日即失聲，可能嗰晚講嘢太多，加上呢個月好多騷，令聲帶出血。」他當晚以廣東話接受有線訪問後即道歉，他表示因自己是半個主人家，當晚陳志雲和樂易玲亦畀面到賀，但自己做完訪問後，樂易玲即收到傳媒電話：「佢問我點算？自己嘅宣傳行為替嘉賓帶嚟不便，唔可以私下電話道歉就算，人哋係有頭有面高層，唔應該令人難堪。」
軒仔和Kay繼續以廣東話接受有線訪問，有線名正言順貼「娛樂新聞台」咪牌。對於李克勤為尊重無綫堅持以普通話受訪，軒仔說：「每個人處事有唔同顧慮，李生有幾年少出唱片，無綫畀好多機會佢，做人要飲水思源，李生做法冇問題，值得後輩學習，自己係新一輩歌手要跟公司指示。」而Kay對於有指HKRIA歌手不能亮相無綫，影響廣告商和商場騷減少找他們工作，她說：「冇乜大影響，So Far自己仲好多嘢做。」