四大唱片公司與無綫就版稅糾紛愈演愈烈，夾在環球及無綫中間的克勤，早表明情傾無綫，昨日他出席《長者千歲婚宴》活動時，遭有線兩隊採訪隊左右夾攻，十分為難！為免得失娘家無綫，他堅持講普通話，但最終仍婉拒接受有線訪問。克勤的苦心終有回報，據知他是無綫今屆世界盃節目主持的首選，昨日無綫體育科監製李漢源指與克勤合怍愉快：「毋須傾價錢，克勤唔會計較。」

暗示欲離開環球

克勤親無綫立場鮮明，他自言是「守舊、保守及傳統派」，雖然他與無綫、環球同樣僅餘幾個月合約，但堅持要遵守無綫的合約精神：「喺呢個敏感時期，仍要履行合約精神，合約完結先再打算。」克勤坦言無綫才是他的依歸，自簽無綫後，只可亮相無綫節目，更暗示多得環球「帶挈」：「依家唱片公司話唔畀我去無綫，我依家唔知喺邊個電視台出現？」因問題令他感「好麻煩」及「頭痕」，故待過年後會與經理人詳談，似暗示有離開環球之意。

慘成最大受害者

問到是否念在失意時得到無綫仗義幫忙，故要尊重無綫的合約精神？克勤不諱言：「人情上係，合約係死，感情重要，喺最唔如意時，TVB畀咗好多機會，過去20年係，種落好多感情。（棄環球都唔棄無綫？）千祈唔好咁講。」又指「版稅風波」上，他才是最大受害者，而克勤曾當面表示最撐環球高層黃劍濤，克勤說：「犧牲好多無綫節目，環球咁多歌手，我喺TVB最多曝光率，依家完全企喺佢嗰邊。」至於本報指《勁歌》頒獎禮中的「亞太區最受歡迎香港男歌星」獎本屬他，克勤承認曾與陳志雲通電話，但只傾風月，沒有談獎。

克勤（左）與陳志雲關係友好。 資料圖片

鍾舒漫昨日出席長者活動。