三太女兒何超雲日前表示以工作及讀書為重，30歲後才結婚，超盈卻自爆賭王已計劃將她許配給Greg！

香港時裝周前晚舉行《Moiselle春夏2010時裝騷》，何超盈捧好友兼品牌太子陳柏熹場，更獲對方為她度身訂造一件連身短裙，成為焦點。超盈沒有男友Greg陪同，她表示男友已離港繼續學業，但農曆新年及情人節會回港陪她，她表示兩人感情穩定，亦已見過家長，更指對方是Mr.Right，她說：「Greg係我第一個承認嘅男友，爹哋對佢都好滿意，爹哋仲同三太講過，話我有個好好嘅男仔，畢咗業就會結婚㗎啦！連我都唔知㗎！我有同男友講，佢都好驚訝！（何生當Greg係準女婿？）媽咪都係，有次食飯，媽咪同我哋講想做婆婆，搞到好尷尬，不過我都有諗過畢業後、26歲前結婚，着婚紗靚啲，早啲生BB，唔會有代溝！」

超盈盛裝出席，支持好友陳柏熹。

馬詩慧（左）及張天愛到場支持時裝騷。

四太讚情投意合好仔

提到有傳超蓮表示何家有性規條，超盈表示不知情，但四太亦有一定家規，她說：「媽咪話過唔可以帶陌生男仔返屋企，唔可以喺朋友屋企過夜，呢啲（規條）係媽畀我嘅，唔知超蓮係咪呢啲。」問到賭王是否會在農曆新年前出院？她表示希望可以，但最終要由醫生決定。

何鴻燊及四太希望超盈早日結婚。 資料圖片

超盈男友Greg被賭王及四太讚好仔，做何家女婿指日何待。 資料圖片

記者致電四太梁安琪，問到是否想做婆婆？她開心地說：「等超盈成熟啲先結婚。（滿意準女婿？）兩個情投意合，Greg係好好，對我哋又好好，唔錯！（超盈係咪同男友拍拖後激少咗你？）係囉！可以激第二個唔使激我！」

Ceci否認超蓮撬牆腳

另一邊廂，超蓮與緋聞男友Jeremy經常出雙入對，感情要好，可是日前卻傳出超蓮是從o靚模Ceci（顏后君）手中搶走Jeremy，昨日Ceci否認：「我同Jeremy識咗好耐，依家仲係好朋友，絕對唔係畀超蓮搶男友。（識超蓮同超盈？）我係有同超盈玩過，但唔識超蓮，不過覺得佢好靚，如果佢哋（超蓮及Jeremy）真係一齊都好襯。」Ceci沒有正面回答曾否與Jeremy拍拖，只表示過去的事情「唔想再提」，亦沒有將合照放上Facebook。

超蓮最近與Jeremy出雙入對，花邊新聞亦隨之而來。 資料圖片

模特兒Ceci否認被超蓮搶男友。