陳偉霆與Angelababy是圈中公認的「金童玉女」，但兩人因工作繁忙，加上聚少離多，而屢傳「分」訊，但近日他們被指轉玩地下情。

William昨日與MC Jin（歐陽靖）及電台DJ林盛斌（Bob），錄影無綫J2台清談節目《兄弟幫》，頂替由崔建邦主持的《My Name is 邦》。William在節目中自爆19歲時已失身：「話未有第一次，自己都唔信，大家都會驚啦！（對手係邊個？）佢哋（指MC Jin和Bob）冇問！」據悉，現年24歲的William與Baby於05年拍攝迪士尼特備節目時撻着，其後更傳二人已發展至半同居。當年19歲的William與Baby拍拖多年，故其「處男作」對手不禁令人聯想是Baby。

而他亦直認節目內容大膽：「有時話題會講吓性愛同溝女秘訣！」問到會否擔心破壞形象？他說：「唔怕！可以透過分享，將正面訊息帶畀年輕人！」他更揚言會在節目中無所不談：「冇嘢唔講得！（Baby呢？）都講得！但係喺節目度，同你哋（指記者）就唔講！」

否認轉地下情

至於Baby昨日亦奉獻「第一次」，擔任《青年時裝設計家創作表演賽2010》司儀，同場有內地名模劉丹及Rosemary示範丘雪祺設計的服裝，人氣組合Mr.則客串示範男裝，而汪圓圓及陳嘉容等亦有出席。Baby事後又否認與William轉玩地下情，對於近日緋聞纏身，她說：「我同佢哋冇可能！（影到你同女仔咀？）角度問題啫，我唔鍾意女仔，如果好朋友可以接受！（桃花旺？）係啦！傳男仔都明，但唔知點解傳女！」

陳嘉容及汪圓圓盛裝出席時裝表演。	汪圓圓	模特兒示範以樹枝及鑊鏟為元素的時裝，別出心裁。
放大圖片	Mr.示範男裝兼即場Jam歌，掀起全場高潮。

此外，問到Baby會否想與周杰倫（Jay）傳緋聞？她說：「我唔想做『J女郎』！（同William轉地下情？）一直係朋友，不過好耐冇見！」她又呻因工作忙碌而無暇物色男友。