身形高挑的祖兒猶如人肉衣架，能駕馭不同的誇張造型，最近她為月底推出的EP《Joey Ten》大變身，當中的「彩虹巨膊」及「大頭女王」裝更令人眼前一亮！創作總監SK說：「祖兒係樂壇天后，所以諗到要畀個皇冠佢，大熱嘅巨型假髮就啱晒佢！」雖然假髮比頭部還大，祖兒卻很喜歡：「因為唔使Set頭，戴上去就OK，好方便！不過唔可以戴住嚟唱快歌，我驚跳跳吓會Fing甩！」

至於出自英國著名時裝設計師Petra Storrs手筆的「彩虹巨膊」，潮流Icon Lady GaGa亦曾以該造型示人，祖兒特地以火紅眼罩妝配合！

十足女戰士

Petra大讚祖兒的造型：「感覺好正義同和平，好似女戰士咁！Lady GaGa就帶有侵略味道，相同嘅服裝有南轅北轍嘅感覺，兩個我都好鍾意！」