郭可盈及林文龍昨日與剛出生的囡囡出院返家，可盈雖然仍有少少肚脹，但她表示身體已迅速復原，初為人母的她坦言喜悅難以形容：「依家成日都會諗住BB個樣，就算凌晨十二點幾都會叫護士抱BB畀我睇！（抱住BB有咩感覺？）好真實！BB眼同鼻好似文龍，個嘴就似我！（生多個？）可以諗吓！不過唔可以隔太耐，仔女都冇所謂！」可盈亦感謝老公對她照顧周到，文龍聞言即說：「應該嘅！」十分甜蜜。

可盈即席示範抱BB姿勢，有板有眼。

文龍親手抱BB上車，絕不假手於人。

唔擺滿月酒

文龍表示一家三口能齊齊出院已是極大喜訊，並透露已為BB安排一切日用品，但尚未改名：「已經請咗陪月，又搵咗中醫寫咗好多藥方畀可盈補身，未來一、兩個月我都會望實BB！（擺滿月酒？）唔會！就算食飯都會喺屋企，外面太多細菌。」他又坦言為照顧老婆及囡囡而推掉不少劇集，亦不介意損失：「我腦海只有BB，好似股巿今日跌都唔理！BB出院已經係升巿！（生BB後同可盈感情更好？）超好！最近勁好！」另外，當記者拍照時，文龍即緊張地要求勿用閃光燈，以免傷害BB眼睛。