謝安琪（Kay）昨日到浸會大學舉行新碟校園巡迴音樂會第三站，吸引數百名大專生圍觀，大受歡迎。Kay表示會走勻八間大學跟學生交流音樂：「好少機會搞校園騷，今次除咗唱歌，仲要義賣隻新碟，幫扶輪社籌款。（失無綫平台而搞巡迴騷？）唔係因為咁，只係可以同我溝通到嘅都係成熟啲嘅大專生。（怕大專生敢言？）現場演出都會控制到，So Far都搞得幾愉快！（幾時去囝囝張瞻學校表演？）如果係咁都幾得意喎！係一個幾開心嘅親子活動。」