藝人行街買嘢經常都會遇到狗仔隊，買貴嘢就畀人話突然富貴「升呢」，買平嘢就畀人話窮到燶，但Shopping係女人嘅天性，一班女藝人為咗呢個問題都
好傷腦筋，次次出街唔係似重病戴晒帽
同口罩，就係匆匆忙忙咁購物。有次小小So同鄧麗欣（Stephy）講開呢個問題，
原來呢位潮女一早諗到好對策，變身「網購族」！
Stephy ︰上網買嘢方便好多，唔同類型嘅衫都可以搵到嘛！
小小So ︰會唔會好麻煩？
Stephy ︰又唔會嘅，不過大時大節，如果係買禮物畀人，就要早啲落單囉！之前聖誕訂咗禮物畀朋友，過晒都未寄到。
小小So ︰有冇遇過網上騙案？
Stephy ︰最多都係唔寄嚟，或者買20件，送得15件嚟，自己又大頭蝦冇理，過咗好耐先知，所以都冇追究到。
小小So ︰咁做你生意都幾好o架喎！