昨日楊思琦以一身新年打扮出席MegaBox《小小模特兒迎新春花生騷》活動，她坦言近兩個月收入不俗：「呢個星期我有三個內地登台同活動，好開心！（大年初一有登台會唔會拒絕？）唔會！我工作為先，如果年初一有工開，係好兆頭，代表成年都好多嘢做！」她表示要努力工作搵錢，問到是否有意置業，她卻否認：「要畀錢屋企，藝人又有好多開支，要儲錢交稅，都要交六位數字，不過交多啲稅係好事，希望每年節節上升！」至於大年初一撞正情人節，思琦表示還未想好情人節禮物，但會好好分配時間陪家人及男友。