前日踏入18歲的Rainbow直言成年後更自由，但要負的責任亦更大，因日後工作上的合約也要親自簽署，而她的生日願望是發達，事業再創高峰。出席派對的除了Fans外，亦有同公司的o靚模，至於近日受藏毒事件困擾的周凱盈（Monique）則沒有現身，Rainbow說：「佢都好有心，差唔多搭正我生日嘅時候，傳咗個好長嘅SMS畀我，佢今日人唔喺度個心喺度就得，希望大家可以畀啲時間佢靜吓。」

Lavina唔恨拍寫真

現場只有Lavina（鍾蕙芝）沒有穿校服，更沒有帶禮物，她說：「我好忙冇時間準備，遲啲會補番份禮物畀佢，我諗住買化妝品，因為佢真係所有搽得上面嘅嘢都鍾意！另外都會再買本書，因為除咗外在美都要有內在美。」今年Rainbow跟Lavina將分開發展，Lavina表示未必再出寫真，因早前推出的年曆已是其性感底線，除非有新題材或好的攝影師，否則很難吸引她再拍。

Lavina沒帶禮物到賀，只好親吻Rainbow面頰補數。

Monique（前）沒有到場，但胡心諾表示已收到對方的SMS。資料圖片