最近感情冇着落的混血名模Ana R.，經常黐着名模好友Lisa S.，稍後Lisa將會到新加坡公幹，她即約定對方在當地逗留幾天遊玩。不過，前晚兩女結伴到亞洲國際博覽館欣賞Green Day演唱會，同行卻多了一名年輕男子，該男子更為她倆買啤酒。Ana表示中學時期已聽Green Day的歌，邊聽歌邊飲酒特別High。問到該男子是否新追求者？她即否認，更耍手笑說：「唔係！佢細過我o架！冇可能！（唔接受姊弟戀？）都係！之前試過同一個細過我嘅一齊，唔係咁啱，依家鍾意啲年紀大啲嘅男仔，要好Man至夠成熟照顧我。」另外，許懷欣偕太太出席，透露農曆新年將與父親許冠傑到拉斯維加斯登台。