陳小春宣布將於農曆大年初一，即情人節當日到美國註冊結婚，年底在港補擺喜酒！準新郎小春昨日親自報喜，透露求婚鑽戒價值六位數字，更自爆搞笑求婚過程：「我乜都未講就係咁喊，o依o依嗚嗚咁講：『你嫁畀我啦！』女友係咁笑！」他表示婚後會搬入新居過二人世界，亦已見家長商量婚事，並於前日回鄉拜祭時「通知」亡母：「早前爸爸病咗，未親口同佢講，但弟妹已經向爸爸『透露』，佢話要跪地斟茶同回鄉祭祖。」至於生育大計，小春笑說：「有子有女湊個『好』字！」對於前女友張栢芝再度懷孕，揚言生五個才收工，小春笑說：「見仁見智，最緊要健康！」