人氣女模Jessica C.與艾粒的少爺占及Donald，昨日出席麥當勞新店開幕，三人穿上新制服行Catwalk。面對靚女Jessica，Donald笑言口都震：「我好緊張，將剩餘嘅英文都拋盡。」少爺占則讚Jessica超Nice：「如果我好似佢咁紅，我一定擺款。」雖然Jessica造型密實，不過艾粒依然拿其身材開玩笑，少爺占坦言留意到Jessica的制服特別窄，Donald搭嘴：「我第一次目睹大自然嘅偉大，佢係冇添加！」另外，艾粒與鄭裕玲主持的遊戲節目《逐格鬥》收視最高達29點，他們稱目標是超越《美女廚房》的32點，又謂若超過35點，會要求鄭裕玲着泳衣。
至於首度穿餐廳侍應制服的Jessica，小時候一直很想成為踩着滾軸溜冰鞋送餐的女侍應，問到有否與男友玩制服誘惑？她神秘地說：「呢個係秘密！」