有「翻版林熙蕾」之稱的苟芸慧樣靚身材正，昨日偕同選美師姐曹敏莉及朱璇為婚紗騷擔任模特兒，大騷白滑肌膚，吸引不少龍友自備長短鏡拍照。現場所見，幾位靚女穿上婚紗及晚裝後，上圍都有「離罩」之險，不過曹敏莉則認為合身，還打趣說：「OK喎！可能角度問題啫！我反而覺得腰圍箍得緊咗，幾乎抖唔到氣！」

曹敏莉錯過「適婚年齡」

雖然被無綫睇好上位，不過苟芸慧似乎對愛情的重視程度遠比事業高，她說：「我好鍾意小朋友，如果三十五歲先生BB，會做高齡產婦，所以最好三十歲左右結婚。女性要做媽咪，人生先夠圓滿。（有咩擇偶條件？）最緊要係我爸爸媽媽鍾意囉！份人要有愛心。（外形呢？）呢樣冇咁緊要，我老咗都唔會係依家咁嘅樣啦！」

曾穿過多次婚紗的曹敏莉，已駕輕就熟。	苟芸慧低胸上陣，上圍驕人，非常養眼！	朱璇擔任婚紗騷模特兒，吸引不少人拍照！

至於曹敏莉表示入行至今因工作而穿婚紗達七、八次之多，她認為穿婚紗過程繁複，昨日更要穿上長褲打底，以防換衫時走光，她又充滿憧憬地說：「如果我結婚，有冇盛大婚宴都冇所謂，不過一定要有輯靚靚嘅婚紗相做回憶囉！」她又笑言以往曾幻想二十五歲披嫁衣，如今「適婚年紀」已過，惟有將限期再推遲幾年。