首奪「亞太區最受歡迎男歌星」的林峯，惹來不少網民爭議，前晚他出席慶功宴時坦言沒有想過奪得該獎，談到是否覺得太快攞獎？他說：「冇諗，依家唔知用乜嘢心情形容。」問是否壓力大了？他說：「可能我已經喺TVB十一年，為我打下基礎，連香港以外嘅Fans都投票畀我！」他直言四大唱片公司缺席，絕對對賽果有影響。而好友泳兒亦力撐林峯攞獎非爆冷，指曾跟林峯出埠，發現對方勁多Fans，在馬來西亞更試過逼爆電梯。至於林峯緋聞女友鍾嘉欣則說：「好戥佢開心，佢喺內地真係好受歡迎，會繼續支持佢。」
無綫高層樂易玲對於「四大」食白果，她說：「佢哋都話唔參加頒獎禮，其實我都係睇新聞先知！（賽果唔夠全面？）唔可以咁講，唔可以抹殺歌手嘅努力！」