前晚舉行的《十大勁歌金曲頒獎典禮》，無綫繼續向HKRIA歌手派蛋，環球系的陳奕迅（Eason）亦不例外，但他昨日出席活動時卻十分風騷，問到有否在家欣賞頒獎禮，他說：「我8點幾就瞓咗，11點55分先起身！講笑啫！我邊食飯邊睇，感覺幾新鮮！」他坦言有「貼」林峯奪亞太區最受歡迎香港男歌星，還笑言幻想過有攝製隊上門送獎：「諗吓啫！（林峯攞得太快？）冇話快唔快，算我見識少，唔了解全港或全世界邊個歌手嘅受歡迎程度，但我知林峯係受歡迎嘅歌手。」

去廣播道發力

對於暫奪14獎的容祖兒估計「攞硬」傳媒大獎，以11獎緊隨其後的Eason說：「難追，我應該冇希望，死咗條心啦！（取消傳媒大獎？）冇意見，每個台有自己準則，睇吓『Who Hold The Flag』（邊個揸旗）啫！」問到會否在稍後的《十大中文金曲頒獎禮》再發力，他笑說：「或者呢兩個星期去多啲廣播道啦！」

至於前晚以7獎成為《勁歌》大贏家的祖兒，在慶功宴上有感而發地說：「如果唔係遇到唱歌，自己只係一Pat嘢。（傳媒大獎領先Eason？）朋友有同我講，呢個獎邊個攞都冇所謂，如果今年係我，下年咪佢囉！10年來都相信自己！」對於賽果受質疑，她坦言今年是多事之秋，但沒有影響她付出的努力：「個獎我已經攬住，唔使諗其他。」

英皇捧走十九獎威盡頒獎禮，在慶功宴上「晒冷」！	祖兒與基仔互相恭賀，笑到見牙唔見眼。	以七獎成為大贏家的祖兒，前往慶功時雀躍地展示獎座！

電台拒評賽果

至於《勁歌》籌委會經理陳家揚曾表示，若HKRIA歌手有獎會照頒，問到Eason是否不值得攞獎，他說：「唔係唔值，但計分係咁。」而助理廣播處長張文新表示，對《勁歌》賽果不願置評，亦暫不考慮取消傳媒大獎，但若外間有很多非議會召開內部會議：「四台聯頒係要四個台一齊落實通過先得，假如HKRIA同無綫關係決裂，來年係咪仲需要傳媒大獎？我只可以話港台頒獎禮係『公道自在人心』。」另外，商台與新城均拒評論《勁歌》賽果，而環球唱片高層黃劍濤則表示，沒有資格評論應否取消傳媒大獎，至於《十大中文金曲》總監馮偉棠則說：「一定照頒，會尊重無綫，大家機制唔同。（祖兒贏硬？）唔可以咁武斷，要睇計分。」