本文重點
農曆新年將至，「新一代咪神」高海寧（Samantha）及莊思敏異口同聲表示最愛吃傳統的賀年食品，Samantha說：「我好期待新年o架！一來氣氛好，二來又可以食好多賀年食品，我好鍾意食媽咪包嘅上海水餃！」莊思敏自言新年最愛到親戚家中拜年吃糖果。
兩人傾完一輪後開始「動筆」，畫低自己最愛的賀年食品，莊思敏為免Samantha偷睇，即擰轉面畫畫，見她極速在紙上畫了一個圓形物體，再畫上揮春和一個火柴人作為貼士，不消半分鐘便完成「大作」，還取笑Samantha畫得慢，她說：「我幅大作搞掂喇喎！你一定會估到，好易！」自認畫功麻麻的Samantha則十分緊張，更畫到滿頭大汗，她說：「我畫得好差！點算呀？我都唔知自己畫咩！」見她在紙上畫了一個圓形圖案，再加上幾個公仔作提示，大約畫了分半鐘才完成。
「以為係隻雞」
首先搶答的Samantha興奮大叫：「我知！係年糕，揮春係想講個年字，個人咁高即係年糕。」莊思敏大讚醒目，不過她卻估不到對方畫的賀年食品，最後要Samantha開估：「點會估唔到呀？一粒糖、蓮花、同有個人嘔喎！」莊思敏終於開竅：「哦！糖蓮藕！好搞笑呀！我唔知嗰個人係嘔緊，我以為係隻雞添！」
