曹敏莉（Mandy）是2003年香港小姐冠軍，在娛樂圈轉眼間已踏入第七個年頭，回顧過去的日子，Mandy覺得沒有甚麼遺憾，自覺向來是個幸運兒，參加港姐為她帶來榮譽，但入行後卻失去私隱與自由，問到可有後悔參加選美？她說：「我係個從來唔會後悔嘅人，參加香港小姐嗰年有大嘅得着，嗰陣只有20歲，參選擴闊咗我嘅眼光。不過，呢啲得着係唔可以持續，所以之後去咗紐約讀珠寶鑑證，再自我增值，依家覺得港姐嗰年係個好美麗嘅回憶。」

放大圖片	曹敏莉自覺是幸運兒，入行以來沒有憾事。	曹敏莉（右）曾參演《胭脂水粉》，她坦言最愛拍民初劇。

未有代表作

問到入行多年，在她心目中有甚麼代表作？她說：「咁又冇喎！就算香港小姐都唔係，代表作好難講，要出現嘅時候就會出現。（諗過憑演戲攞獎？）最緊要大家鍾意個角色，獎項唔代表咩嘢，只係一個認同，有冇獎對我嚟講唔重要。」

Mandy最愛的電影是由章子怡主演的《茉莉花開》。

曹敏莉早前在《宮心計》中擔演一角。

踏入新的一年，Mandy大談新年願望，她直言若能拍到一部好劇集就心滿意足，問到最想拍甚麼類型的劇集？她說：「希望拍一啲以民初做故事背景嘅劇，因為我覺得好有味道，如果可以的話，唔希望再做忠嘅角色，因為我之前演過太多乖乖女、千金小姐嘅角色，我覺得做奸角，會有更多發揮機會。」Mandy又指因起初拍劇時，接拍了以民初作背景的電視劇《亂世佳人》，當時更到南京拍攝，故對這個時代背景「很有感情」，並覺得女士穿旗袍很漂亮。而Mandy最愛的民初電影，是章子怡主演的《茉莉花開》，她大讚劇本寫得好，章子怡又演得出色。除了工作外，她亦希望新一年事事順利，並笑言「唔敢太貪心」。

進修幾乎轉行

曹敏莉入行後主力在電視圈發展，期間接拍多套電視劇包括《爭分奪秒》、《胭脂水粉》及《窈窕熟女》等。06年，向來對珠寶有興趣的她毅然放下發展順利的演藝事業，遠赴美國九個月修讀珠寶鑑證課程，學成歸來後轉到一間珠寶公司任職，幾乎轉行。其後她有感還是較喜愛演藝事業，故再戰娛樂圈。