黎耀祥昨日應其代言的纖體美容集團MENCE邀請，到內地橫瀝鎮隔坑市探訪，體察當地民工子女的生活。平日祥仔有愛子充當其攝影師，不過昨日囝囝因上學未能同行，改由其妻為他拍攝旅程上的點滴，祥仔笑說：「我叫太太幫我影低現場嘅一事一物，返香港之後會畀囝囝睇番，等佢知道佢自己有幾咁幸福！」
貴為視帝的祥仔，甫到當地即受到熱情款待，學童紛紛送上自製紙花及用手語歌答謝善長，一名學童朗讀受惠感受，令祥仔感動得兩度眼泛淚光，他更大派預先準備的餅乾給學童，不過一名視祥仔為偶像的小女孩，看到祥仔真人時，竟激動得當場嚎哭，令祥仔甚為尷尬，場面搞笑！
問到首次進行探訪有何感受？祥仔感慨地說：「知道佢哋嘅生活唔會太好，但見到佢哋仍然對生命有堅持，真係好感動！希望將來再有機會做呢類探訪，亦希望可以透過自己少少嘅知名度，令大家注意有需要幫助嘅人！」