外表弱質纖纖的李思欣，原來小時候是一名「惡霸」，經常替別人出頭，十足十大家姐！她說：「細個嗰陣特別好動同多嘢講，所以幼稚園嗰陣成日畀人罰企，老師仲見埋家長，同我媽咪講話我騷擾同學！而且我唔多怕人，見人哋隔籬屋個人有個氣球，就一手搶咗，可能我係屋企孻女，成日畀人就慣啦！仲有我隻手有個胎痣，媽咪話係『惡爺痣』喎！」

小時候的李思欣相當精靈，更是「惡霸」一名。	李思欣（左）最難忘與家姐玩地球儀而受傷。	李思欣唸幼稚園時是老師眼中的「百厭星」，更經常因頑皮而見家長。

「地球」裂開見紅

此外，思欣最難忘年幼時與家姐在家玩鐵做的地球儀，怎料地球儀竟分開兩邊，跌撞其腳上，令她流血不止，工人於混亂間更在思欣的傷口灑胡椒粉，最終要母親趕回家送她入院，思欣說：「我嗰次縫咗六針，所以依家腳板邊都有條疤痕呀！好彩位置唔多覺眼！」

放大圖片	瘦削的李思欣年幼時卻是肥嘟嘟，十分可愛！

奀妹變包包面

身形瘦削的李思欣只重約一百磅，「食極都唔肥」的她，小時候曾是肥妹仔一名：「我記得媽咪話我出世時得六磅，小學嗰陣都好瘦，食極都唔肥！不過一去到中一、二，就開始增磅，一肥就肥喺塊面度，後來青春期開始長高，先至瘦番少少！」