梁詠琪（GiGi）前晚出席活動時透露，雖然早前人不在港，但亦有留意茅山師傅以轉運為名騙模發生性行為的新聞，她驚訝地說：「好誇張，咁都信？就算真係可以提升運氣，但身心嘅傷害係冇辦法彌補。運氣係整定！」至於無綫與HKRIA因歌曲版稅問題決裂，GiGi竟大叫刺激：「依家好似個小革命，同無綫已經幾年冇約，都冇限制。係好事，多啲唔同機會，我支持本地音樂巿場百花齊放。」至於事件對部分頒獎禮有影響，她說：「最緊要係音樂有說服力，唔係獎項。」