自袁小曼被爆出與地產代理CEO廖偉強撻着後，二人懶理負面報道，繼續雙宿雙棲，有說「正印」廖太激到瞓醫院，廖太家姐梁小姐更說：「佢（袁小曼）要嘅咪攞去囉！我個妹唔恨，但求佢（廖偉強）唔好再返嚟激我個妹！」她指妹妹太善良，忍到日日喊，食乜嘔乜，要瞓醫院吊鹽水，瘦到不似人形，連50kg都冇：「醫生唔畀佢出院！（廖太心死讓愛？）呢個人（廖偉強）唔好以為好馨香！（佢話已經離婚？）講大話！佢話09年初已分居，其實佢09年9月先搬出貝沙灣寓所，呢件事兩個仔都知道！」

袁小曼早前為《時尚生活Guide》介紹Spa，工作未受影響。	05年2月，廖偉強以逾240萬元購入御皇臺單位，並於同年3月以同等價錢轉賣予李姓女子。	放大圖片

廖偉強被指激親正印

除了梁小姐之外，另有一名自稱廖太朋友指廖偉強於05年2月買入北角御皇臺一個單位，並送贈給一名李姓女子，有指當年事件激親廖太。記者於田土廳查獲廖偉強於05年2月21日，以逾240萬元購入御皇臺一單位，並於同年3月2日以同等價錢轉賣予登記姓李的女子。在不足兩周以相同價錢轉手，行內人稱情況特殊，地產界人士指出，一般以炒家身份作樓盤賣買，帳面通常顯示賺或蝕，不過這種同價轉手實屬少有。據文件顯示，該單位於07年11月以278萬元售出，該李姓女子帳面獲利逾36萬元。

雖然袁小曼澄清在廖偉強跟太太分居後，她才接受追求，但近日有網友在Facebook發起「反廖群組」，並聲稱會「反到佢落台」！亞視見近日報道令小曼形象負面，即照肺了解，但小曼一於少理，繼續與愛郎出雙入對！問到亞視高級副總裁（製作）鄭偉強會否暫停她在《時尚生活Guide》的主持工作？鄭表示暫時不會。而至截稿時，有關人等仍未回覆本報。