近年再闖樂壇的劉美君（Prudence），平日會豪買華麗的衣飾，食盡貴價的美食，不過她覺得這些不算真正的「豪」，因為「豪」要配上愉快的心情！
Prudence自言人生最豪的一次，發生在很多年前，憶起舊事仍難掩興奮的心情：「出碟當年得嗰廿幾歲，隻碟賣得幾好，賺咗好多錢，雖然賣碟分紅唔係分得好多，不過登台同商場騷就真係賺到錢，嗰時咁啱睇中咗部廿幾萬嘅GTI，好似架Golf車咁o架！好鍾意，好想買！最後開咗張廿七萬支票，係最豪o架喇！買嗰刻感覺好正！」她當時一次過付款買車，是因為當時不知道可以分期付款，加上心頭好難求，所以二話不說就買下了！
買車之外，Prudence當年還買了另一樣實用的資產：「嗰時仲有買樓，每個月供5萬幾蚊，依家覺得自己買車買樓好識諗！」她年紀小小已深明投資之道，難怪多年來都生活富足。