姚予晴（Mikki）自嘲小時候不像女孩子，因為毫不貪靚，衣飾全由媽咪負責：「媽咪畀我就着，就算九唔搭八都OK，因為我對衫同飾物都冇興趣！」入行後，她開始變得貪靚，而且熱愛飾物，有時更因貪得意而不停買，連出埠亦不放過：「耳環、手鏈、戒指同頸鏈，加加埋埋估計有幾百件，有好多都未戴過，因為見到得意設計就忍唔住買，誇張嘅又買，但買咗先發覺好難襯、好奇怪！」

Mikki對這雙閃石耳環一見鍾情，可惜買下後才發覺難於襯衫。

手上的三隻戒指都是Mikki的最愛。

男友唔啱Taste

Mikki不獨愛名牌，認為街邊貨都有佳品：「就算唔見咗，只係覺得可惜，起碼唔會肉痛！（點收藏？）設計複雜或太大件，就用透明袋分開擺放，避免打結。」不過，男友從不送她首飾，因為品味不同：「佢買嘅實唔啱我心水，因為佢個人太Colourful，好鍾意鮮艷顏色！」

Fendi	購自巴黎	購自連卡佛
Harvey Nichols	Bottega Veneta

Mikki的珍藏當中，最富收藏價值是一對紅寶石耳環，但並非價錢問題，而是背後的意義，她說：「舊年行珠寶展，可能嗰日係最後一日，所以好平，加上我化咗淡妝，可能啲人以為我係學生，畀咗個優惠價我，最後以六、七百蚊就買到一對紅寶石。之後，我攞去鑲嵌成耳環送畀媽咪，點知媽咪冇耳窿，最終送番畀自己！」