主力在烹飪中心教授煮食的黃趣妍（Angela），曾主持無綫節目《都市閒情》的烹飪環節，亦踏足《美女廚房》，是名副其實的美少女廚神。雖然入行日子不算長，但仍不乏辛酸史，最慘的莫過於被人欺負，她說：「試過好凍嘅時候，着好少衫行騷；亦曾經發緊燒都要錄影節目，嗰時就算好暈都要頂硬上，喺錄影廠度不停流鼻水，搞到要係咁補妝，之前都會畀服裝部嘅人蝦，唔畀我揀衫着。」不過，Angela坦言最令她辛苦的是壓力：「參加模特兒比賽，不停咁訓練，而且對手又係自己嘅朋友，無論輸贏都有壓力，贏咗怕有是非，輸咗又覺得付出咁多，最後冇收穫。」

雖被封為「翻版佘詩曼」，但Angela坦言與阿佘不相似。

Angela自爆曾被服裝部的人欺負，不讓她揀衫着。

望突出清純形象

雖然工作辛苦，但Angela致力做好本分，希望可突出清純形象，她說：「我努力做好我自己，依家教人整嘢食，亦都會參加好多唔同嘅比賽，不過競爭對手好唔同，烹飪比賽嘅參賽者好多都好成熟，我旨在吸收多啲經驗，唔計較輸贏，壓力都冇咁大。」對於被封為「翻版佘詩曼」，Angela卻另有一番看法，她說：「我覺得唔似，而且大家路線唔同，我係模特兒，佢係演員，好難比較。」