前晚苗僑偉（三哥）與太太戚美珍（三嫂）慶祝結婚20周年，邀請多位圈中好友在中環開派對，袁詠儀、馬德鐘及伍詠薇夫婦、佘詩曼、陳敏之、梁靖琪、吳卓羲、曾志偉、Rosemary及黎瑞恩等到賀，阿佘與曾傳緋聞的張智霖、馬德鐘與吳卓羲同場並無尷尬。

湯盈盈（左起）、陳敏之、佘詩曼和梁靖琪，前晚結伴到場。

張智霖拖着老婆袁詠儀赴會。

據知場內有Live Band演奏，志偉要求幾Pair夫婦即場「嘴對嘴」！約凌晨三時，略帶醉意的三哥三嫂步出餐廳，透露玩得盡興，三哥隨即「啜爆」三嫂晒恩愛！冧爆的三嫂說：「原先三哥要拍劇，特別抽時間慶祝，成班女人都問我相處之道，我認為最緊要心對心，好多女人都會用盡方法令身邊男人開心。（感動？）佢唔係浪漫嘅人，但會做好多嘢氹我。」

馬德鐘夫婦護花

不過，前晚的甜蜜派對上卻發生一段小插曲，約凌晨十二時，到場時已面紅紅的陳敏之先行離開，面燶燶兼腳步浮浮，馬德鐘一支箭追上前，但敏之擰歪面，其後趕上的馬德鐘太太張筱蘭即攬着她，記者上前問敏之是否不開心時，她說：「冇事冇事，唔好影！」約兩分鐘後與女友人衝上的士離去。

馬德鐘安撫陳敏之不果，其太太（中）攬着陳敏之加以安慰。	放大圖片	陳敏之坐車離開時木無表情。

事後記者致電敏之，她說：「係有啲攰，因為今日（昨日）要返內地做嘢，貪靚唔想被影，所以急住搵的士，飲咗酒先面紅，都唔係喊，馬德鐘想載我走先追出嚟，我唔想麻煩人，唔好亂諗。」