關心妍與宣萱昨日出席《人狗同樂百萬行》活動，宣萱偕獸醫男友到場，兩人首度於公開活動露面，大方合照，宣萱更甜絲絲大讚對方。宣萱表示近日領養了兩隻被遺棄的狗女，問到有否與男友結伴放狗？她說：「兩隻狗都鍾意佢。（點解？）異性相吸啩！佢成日餵嘢畀佢哋食，狗好易賄賂。（公開戀情唔怕狗仔隊？）又冇嘢唔見得光，佢都做足心理準備，佢好受我啲同事歡迎，苗僑偉都見過佢，仲叫佢做碧咸。」
至於關心妍則透露愛犬經常呷醋：「佢見我好熱情，但見到我老公就唔睬，依家湊掂狗先湊BB，但雙方阿媽都反對。（驚你唔生BB？）一定生，但兩年後先，會生兩個！」
