日前迴避回應「被照顧」的林莉，前晚及昨日分別出席《慈善星輝仁濟夜》及《周大福賽馬日》，並擔任模特兒，展示近80萬元首飾，昨日她態度有變，開腔否認拍拖，澄清只是美麗的誤會，但只肯透露老闆姓氏為W，林莉無奈地說：「我冇見過佢太太或女友，我知佢欣賞我，但唔係鍾意，佢覺得我似林志玲，放多咗資源喺我度。」

林莉（左起）、戴小奕、呂燕和姚予晴齊齊示範首飾。

被大批記者追訪的林莉，為一朝富貴傳聞逐一解畫。

讚老闆「幾好」

問到老闆有否展開追求，她緊張地說：「未……冇……冇。（有追定未追？）冇追！（會唔會接受富豪照顧？）暫時唔想，我唔係想做香港第一名模或翻版林志玲，今年目標好清晰，係專心做模特兒，搵富豪或結婚都唔會，如果傳聞係真，就唔會見我成日出嚟做嘢啦！」

對於有指出入豪宅，林莉說：「我冇住比華利山，好貴又唔方便，架車同屋係老闆嘅，當日同經理人去老闆度放低啲嘢！（會唔會搵有錢人做對象？）隨緣，最緊要對我好，有錢當然更加好。老闆幾好，但冇同佢拍拖，唔知佢對女友好唔好。」

同場佩戴價值約110萬港元Luxury Jewellery首飾的名模馬詩慧，與丈夫王敏德，對於近日再發生的鏹水彈事件，她說：「啲人愈來愈無聊，我會叫啲女小心。」至於示範近200萬元首飾、周大福國際推廣大使的國際名模呂燕，曾考慮申請優才計劃來港發展。