容祖兒（Joey）、陳偉霆（William），以及名模Jessica C.、Lisa S.與白歆惠等，前晚為《慈善星輝仁濟夜》擔任表演嘉賓。身穿超性感熱褲的Joey獻唱《桃色冒險》時，與男舞蹈員大跳辣身舞，更做出一字馬及拗腰等高難度動作，難怪她笑言動作多得似「人體奧妙展」。

祖兒使出一字馬，令觀眾嘩聲四起。	祖兒與舞蹈員大跳辣身舞，掀起全場高潮。	祖兒與陳偉霆大鬥舞功，難分軒輊。

對於徐濠縈早前透露老公陳奕迅攞獎攞到麻木，Joey說：「唔會嘅！我同佢（陳奕迅）都係事業心重嘅人！大家都係為咗呢個目標做嘢！（你有冇麻木？）我皮膚就麻木，如果我係麻木嘅，依家都見唔到我啦！同鹹魚冇分別！」

拒與陳奕迅比較

問到若Eason未能出席無綫頒獎禮，會否間接令她奪「傳媒大獎」的機會增大？她說：「可能到時佢心情好又會閃出嚟呢！（版稅風波後多咗無綫工作？）唔係！工作從來冇少過，亦都唔會同人比較！」

至於名模則行Fashion Show籌得90萬善款，以大低V裙上陣的Jessica C.，雖然大騷「警鐘胸」搶鏡，但仍不及Joey的「髀舞」震撼。完騷後，Jessica於凌晨二時與數名女友人到中環狂歡。此外，William透露將會放假數天到泰國出席家姐的婚禮，但緋聞女友Angelababy不會同行？他說：「希望佢喺正式擺酒時會到！」另外，Joey獲悉陳百強成為「金針獎」得主大感興奮。

名模示範多款晚裝，各具特色。

台灣名模白歆惠炮製壽司籌款。