林峯被插眼狂標淚

林峯前晚在澳門舉行《峯．情無限演唱會》，他不時落台與Fans握手，可惜濕身環節因趕不及申請而取消。完騷後，他展示左眼角的傷勢，並說：「畀人整損，好在唔係插中眼，只差一厘米，痛到流眼淚！（追查『兇手』？）唔會，都唔係有心，但唔知有冇工傷賠？」

除謝天華及泳兒外，適逢牛一的王祖藍亦任嘉賓，林峯表示已變身「兔女郎」送蛋糕，問到會否送禮，他說：「佢有騷錢㗎！」至於早前涉傷人的恭碩良則擔任鼓手，但未有受訪便離開。林峯返港休息數小時後，昨晨又負傷參加慈善活動。