張栢芝自07年8月誕下兒子謝振軒（Lucas）後，一直在家相夫教子，直至Lucas返學，栢芝近年才考慮重返幕前演出，除了拍廣告，亦收到不少劇本斟拍，但她亦向導演提出一個附帶條件，就是會隨時懷孕「唔撈」，因她一直希望為霆鋒追一個女兒。去年栢芝終於再度懷孕，預產期為今年5月，原本傾談中的電影工作亦要自動「煞車」！

謝賢：最好精靈過Lucas

希望追女的栢芝今胎能否如願，一直備受關注，但兩公婆每次被追問均只回應「未知道！」直至上月，栢芝帶同囝囝Lucas往看馬戲時，再被追問腹中BB是男是女，她說：「已經照咗（超聲波），但未知仔定女。」至於霆鋒，每次面對傳媒追問亦沒有正面回應。

栢芝上月帶Lucas出街時戴上口罩，安全至上。 資料圖片

上月栢芝現身機場，被拍得「一人食兩人量」，胃口不俗。 資料圖片

不過，據可靠消息指栢芝今胎是男嬰，其生女願望仍需「繼續努力」。而霆鋒及謝家上下對她再懷男嬰都感到很高興，一點也沒有失望，栢芝老爺謝賢昨日被問到栢芝再懷男嬰一事，亦大方承認：「係呀！佢哋一知道就已經話咗畀我聽。（有冇失望？）梗係冇啦！生仔生女都好，都會繼續生o架嘛！我一直咁錫栢芝，就係因為佢真係好好，事事以家庭為先，好願意為屋企開枝散葉，真係好難得！（今次會唔會幫個男孫改名？）唔會囉！等佢哋改番啦！（想今胎都好似Lucas咁可愛？）梗係，最好仲精靈過Lucas，一個比一個更好嘛！」

拉姑備湯水養肥新抱

而即將再做嫲嫲的拉姑，亦是「仔女都冇所謂」，最緊要栢芝母子平安。最近拉姑頻頻送上滋補靚湯予栢芝補身，栢芝亦每日食不少DHA、維他命丸，力谷精靈B！ 文：影視組