08/01/2010

播放本新聞相關短片

諸葛梓岐難忘受虐八小時

本文重點
萬千寵愛在一身的諸葛梓岐,入行時曾獨自北上工作,禁絕飲食八小時,如同人間地獄!

自小受盡家人溺愛的諸葛梓岐(Marie),兩年前在Auntie引薦下開始模特兒事業,更憑着「諸葛亮第73代後人」而火速上位。不過,成功背後也曾吃過不少苦頭,Marie說:「我入行第一個Job係影旅遊相,個妝化完等於冇化,我覺得自然得滯,都影得我唔靚,所以喊咗出來話唔影,最後要公司同事安慰我!」她坦言自小已很愛美,時刻也要將最美一面展現人前,問到是否凡事追求完美?Marie打趣說:「我唔係處女座,只係獅子座,但同樣追求完美,總之乜都要靚。」

全程禁食禁飲

問到入行至今最慘痛的一次經歷?Marie表示那次恍如置身人間地獄,令她記憶猶新:「有一年冬天要去廣州影相,全程只得我一個人,仲要影夏天衫!雖然喺室內影,但覺得好凍,八個鐘頭要不停換衫,唔畀食又唔畀飲!(八個鐘禁食禁飲?)都差唔多!影完相即刻返港,但身上只得兩百蚊,夠錢搭車又唔夠錢食嘢!我由細到大都未試過咁慘,最後我喺火車度喊住打電話畀媽咪!我依家冇咁蠢,唔會畀人蝦之餘,我仲識喺廣州Call車!」

劉慰思