模特兒蔡穎恩（Evelyn）在小學五年級時已對陳奕迅（Eason）的歌曲情有獨鍾，她說：「我小學嗰陣好興同啲同學仔一齊聽電台，仲會錄低啲歌，由Eason唱《幸福摩天輪》、《K歌之王》嘅時期已經好鍾意佢，又會儲佢啲『閃卡』，不過當時淨係覺得佢啲歌好聽，未有再深入了解。」
Evelyn加入模特兒行列後，在一次機緣巧合下，有幸跟偶像Eason參與傳火炬活動，前一晚她已興奮得難以入睡，她笑說：「知道有機會見到Eason真人，開心到癲咗，一直喺度諗點樣令佢印象好啲、難忘啲，但當見到佢嘅時候，就淨係識傻笑，心手出汗又心跳加速，要求同佢合照，佢一口應承，真係好Nice。」Evelyn欣賞Eason完全沒有架子，又大讚對方肯提攜後輩，對音樂的熱誠從未減退。