08/01/2010

播放本新聞相關短片

王若琪陳煒探學童感動眼濕濕

本文重點
陳煒和王若琪早前參與《軒轅教育基金湖南慈善之旅》,雖然天氣欠佳兼遇上大塞車,但當地小朋友仍落力演出,令人感動!

前亞姐冠軍陳煒早前以「衍生代言人」身份,偕同張繼聰師妹王若琪(Takki)、音樂人林健華、衍生義工隊及多名善長仁翁等,遠赴湖南實地考察山區學校,對內地兒童伸出溫暖之手,他們帶備書包、洗髮水和食物等送給當地小朋友,善心爆棚。

由於當地天氣欠佳,而且中途遇上大塞車,令行程有所延誤,花了數小時才抵埗,陳煒說:「天氣真係好差,又遇上大塞車,搞到我有啲忟憎,不過見到班可愛小朋友,喺咁凍嘅天氣都咁有耐性歡迎我哋,佢哋好乖,嗰啖氣當堂順番晒。」

當地小朋友向到訪嘉賓表演唱歌,而且對陳煒及Takki相當熱情,令兩人感動到眼濕濕:「我哋係眼濕濕,但堅持唔喊,反而有份去嗰啲男士,就忍唔住喊出嚟。」探訪期間,有教師及中學生認出陳煒,並指她酷似梅艷芳,令陳煒雀躍不已,她說:「其實今次有份捐錢嘅善長仁翁,都親身實地視察,睇吓啲校舍及宿舍結構同質量係咪安全。」

帶領大合唱

至於為「軒轅教育基金」獻唱會歌《軒轅之歌》的Takki,對此行感受頗深,令她大開眼界。自言喜歡小朋友兼懂氹小朋友的Takki,與山區學童大合唱《軒》曲時,全場人士也為之感動,Takki說:「我哋花咗好多時間先到埗,但班小朋友仍然好有耐性等,佢哋仲要捱凍添!我覺得有啲難受,但佢哋仍然落力表演,真係令我好感動。」

專案組