陳奕迅師妹麥家瑜早前在網站頒獎禮上奪得新人獎，而剛過去的新城頒獎禮亦奪得「新登場女歌手」，令她有如打了強心針！面對餘下的兩大頒獎禮，她坦言有點緊張：「不過好多前輩同我講，去頒獎禮就好似去Party咁，着得靚靚咁去參加，有獎就當有禮物，冇亦唔緊要，當係一次難忘嘅經歷就得。」
當知道獲別人欣賞，麥家瑜心情相當興奮：「依家都有八分信心啦！有諗過自己要喺台上面多謝邊個，其實今年出咗隻碟，自己都好滿意，加埋有咁多資深嘅音樂人幫我，啲反應都幾好，已經覺得自己好幸福，都幾有信心o架！」她覺得今年的新人感情很好，就像同班同學般，各有不同崗位：「我睇好周子揚，佢真係好有Hearto架！」
