扮嘢鼻祖盧海鵬和朱咪咪合演的舞台劇《審死官》下月2日在新光戲院公映，鵬哥和朱咪咪扮演狀王宋世傑夫婦，外間將他與周星馳的經典電影《審死官》角色作比較，鵬哥說：「有乜好比較，冇壓力！舞台劇就成日都做，最緊要係記好對白，同埋有 足夠時間綵排。」鵬哥冇壓力，但其他演員卻有壓力，監製楊紹鴻指其他演員最驚鵬哥「爆肚」應接不來，問到可有計劃爆肚？鵬哥笑說：「對白嘅嘢，多有多講，少有少講o架啫！」
至於入行多年的朱咪咪，原來是首次演舞台劇：「我覺得咁多場戲嘅對白，邊有可能記得到，依家都係最驚記對白，有提議過可唔可以整部字幕機，萬一唔記得都有得救。」問到可擔心鵬哥「爆肚」﹖她說：「驚o架！接唔到就接唔到！」
