在劇集《美麗高解像》中，飾演電視台花旦的陳敏之與徐子珊及伍詠薇暗招盡出，鬥到出晒面，不過現實生活中，敏之認為娛樂圈並非複雜之地，揚言花旦間「Friend過打Band」：「劇情發生嘅嘢，現實中我都未遇過，喺我嘅字典中唔會有『不和』兩個字，因為唔啱傾咪唔傾囉！仲點會有摩擦？歌影視之中，電視圈係最簡單，聽聞電影、唱歌會較多應酬，而電視圈好少夜生活。（現實中花旦係咪明爭暗鬥？）良性競爭，其實花旦玩得好癲，好似同楊怡同胡杏兒都玩得好癲，而且仲會互相勉勵。」

陳敏之大讚黎諾懿清純又孝順，是圈中難得的好男仔！

陳敏之（左起）表示與伍詠薇及徐子珊只是在劇中互鬥，其實沒有不和。資料圖片

娛樂圈透明度高

至於曾經做過書局及銀行多份工作的黎諾懿，認為「天下烏鴉一樣黑」，不覺娛樂圈較複雜：「反而覺得娛樂圈簡單啲，因為透明度高，好多嘢觀眾都會睇到，觀眾眼睛最雪亮。（覺唔覺娛樂圈係大染缸？）其實行行都係咁，只要有人嘅地方自然就複雜，所以娛樂圈係社會縮影，而唔係大染缸。」

雖然劇中二人飾演情侶，不過敏之表示現實生活中卻有所不同，她說：「我唔想同圈中人拍拖，因為我唔想拍拖嘅時候都係講公事，不過如果真係要揀，首選馬國明、黎諾懿，因為佢哋係圈中少數比較清純嘅男仔，而且佢哋好孝順。」而諾懿覺得女友是圈內圈外人都沒所謂，最緊要性格直爽及體諒他。