昨日張智霖、謝天華與胡杏兒等為新劇《魚躍在冬季》進行拜神儀式。雖然同劇演員交叉感染病菌，但張智霖自言因戒煙而百毒不侵：「原來楊怡病咗，見佢今日冇嚟都奇怪。（佢生瘡擔心被傳染？）我哋唔係同一條線，我又戒煙又做運動，最近好強壯！（避免跟帶病菌女演員拍咀戲？）防不勝防喎！唔通戴口罩咀咩！」
期間，板長壽司老闆鄭威濤帶來部分藍鰭吞拿魚王「日本一」，讓張智霖及謝天華炮製壽司。在劇中演壽司師傅的張智霖表示，拍劇最大障礙是劏魚：「因為我信佛，有場戲師傅劏咗條白鱔，條鱔成個鐘未死，仲好似望住我咁，之後返屋企發噩夢！」
鄭威濤被問到有人反對捕殺藍鰭吞拿魚時，他表示若日本與香港禁食野生吞拿魚的話，便不會再投標。提到有網友發起罷食，他說：「有唔同意見係好，但我都係收到啲客反映話想食。」另外，昨晚有環保團體到旺角拉橫額抗議，還呼籲市民為被宰殺的藍鰭吞拿魚默哀。