08/01/2010

播放本新聞相關短片

楊怡咀完謝天華慘爆毒瘡

無綫爆出咀嘴恐慌!楊怡與小儀疑因拍咀戲被交叉感染,先後惹得唇瘡及重感冒!

自從沙士爆發後,政府不時在宣傳片中呼籲市民要注意個人衞生,感冒或發燒時切記多加休息及戴口罩,以免交叉感染。不過,藝人拍劇卻避無可避,就算傷風感冒或口腔潰爛,一旦遇上咀嘴場口也要頂硬上,最近無綫便爆出恐慌!楊怡前晚拍攝新劇《魚躍在冬季》時與謝天華激咀後,翌日即生唇瘡,天華頓變疑似毒瘡源頭!

楊怡與天華前晚為《魚》劇拍外景,吸引逾百途人圍觀,不少途人還「開行」閃燈喪拍激咀一刻,被打擾咀嘴心情的天華即要求途人不要再閃,才繼續投入這場咀戲。

否認致病源頭

可是咀完未夠一日,楊怡昨日出席實惠旗鑑店開幕活動時自爆生了唇瘡,矛頭直指謝天華!她說:「尋晚拍完咀戲,今日發現生咗粒唇瘡!我要呼籲拍咀戲一定要刷牙,除咗對手外,自己都要刷!(從天華惹來唇瘡?)講笑啫!其實尋晚自己已有粒瘡仔,咀後應該係受細菌感染,所以變咗唇瘡!」雖然生唇瘡但未有打擾其心情,楊怡自言要繼續搵真銀:「過兩日會同陳豪一齊搵真錢,其實拍邊個都冇所謂,最緊要係搵錢!」她揚言拍住緋聞男友黎諾懿搵真銀也冇問題:「照殺!必要時咀都得,不過要加價!依家賺到錢,要換晒全屋傢俬,之後就換樓!」

天華被指是細菌源頭,他接受電話訪問時反應甚大:「黐線㗎!其實尋晚拍時已經覺得楊怡好緊張。佢話生痱滋,可能係佢呢排太忙唔夠瞓!」他還反過來寸楊怡說:「其實我好少生呢啲嘢,唔似佢咁躁底,我要澄清唔係帶菌者!」

另一邊廂,新劇《情人眼裏高一D》亦爆出咀嘴恐慌!事緣華姐冠軍苟芸慧日前帶病拍攝咀戲,先後與黃宗澤及王祖藍咀嘴,及後兩人又與小儀咀嘴,引發交叉感染!小儀昨日帶病出席活動時自爆「賴嘢」經過:「我先後同過黃宗澤、王祖藍同苟姑娘(苟芸慧)拍過咀戲,唔知係咪因為交叉感染,其實苟姑娘都病咗,我都唔舒服同勁喉嚨痛,今日我電台都返唔到!」小儀表示最近每晚開工到凌晨四、五點,翌早又要返電台開咪,搞到睡眠不足而抵抗力轉弱!

防不勝防唔斷尾

唇瘡是常見的健康問題,傳染病專科醫生勞永樂指唇瘡是防不勝防:「唇瘡係疱疹一型,喺小朋友時期透過拖手同親嘴已經接觸到,病毒就喺身上潛伏,當身體弱、免疫力下降時就會發作,而且唔會斷尾,但同個人衞生問題無關。藝人拍接吻戲有機會交叉感染,但咁大個人好可能已經惹過呢種病毒,咁就會有抗體。藝人經常休息唔夠,如果加上有感冒,就會生唇瘡。」

第一手消息請瀏覽on.cc《即時新聞》

專案組