本文重點
鍾舒漫（Sherman）25歲生日當天，一名女Fans親手設計一本「生日寫真集」送給她，書中全是Sherman平時演出或跟歌迷聚會的照片，更在簿上寫下祝賀說話，令Sherman感動萬分，她說：「呢位Fans好有心，除咗用我最鍾意嘅粉紅色，仲剪我啲頭出嚟砌成對話，真係好得意！」
不過一向愛錫Fans的Sherman寧願歌迷將錢儲起，也不想他們浪費金錢送禮物給她：「我寧願佢哋用最便宜同最環保嘅方法，自己設計禮物送畀我，咁樣唔單只夠心思，仲可以慳番啲錢！」
呼籲歌迷做善事
Sherman亦自爆曾有Fans夾錢送她一隻名貴手錶，令她既驚且喜：「係幾個Fans夾錢，但佢哋每個只係十幾歲，根本冇乜錢，我同佢哋講咗下次唔好送嘢畀我，留番啲錢自己用！」
Sherman除不斷叫歌迷儲錢外，更呼籲他們將錢捐到慈善機構：「我24歲生日當天，有Fans Club嘅歌迷將自己儲嘅錢捐咗畀一間慈善機構，仲留咗張收據畀我，令我好感動又驕傲，係其中一份好有意思嘅禮物！」