近期赴台發展的羅凱珊（Kama），昨日為財務公司拍攝廣告硬照。她透露雖不曾向財務公司借貸，但曾碌爆卡：「我早前去日本旅行，碌咗七萬蚊卡數！」問到攻台後有否收斂脾氣？她笑說：「你話呢？我啲脾氣收斂咗啲啦！（同台灣仔同行？）嗰位都係模特兒，佢好照顧我，但暫時未有火花！（佢追你？）人在外地係會空虛寂寞，依家當多個伴，但我都係覺得同香港男仔易溝通啲！」
此外，對於o靚模熱潮成為2009年風雲團體，Kama與有榮焉：「好叻！呢個『o靚模』字眼幾潮！我都有幸成為o靚模！（鍾蕙芝與胡心諾推出性感年曆？）有身材唔怕性感！如果我有身材都唔怕賣弄！」她又透露明年可能推出年曆，但未知性感程度。
