王祖藍、阮小儀、苟芸慧及黃宗澤（Bosco）前晚為無綫新劇《情人眼裏高一D》拍咀戲，四人更要「車輪咀」，當中首次拍劇獻上螢幕初吻的苟芸慧帶病上陣，引起「交叉感染」恐慌！小儀則說：「一錫就要錫晒兩個，幾緊張。（鍾意錫邊個？）咀祖藍舒服啲，佢個咀夠大，Bosco個唇較薄，而且高度好難就。」祖藍亦自覺艷福無邊：「小儀話我個嘴似棉花雞舊棉花，咁佢一定係棉花雞嗰件雞，我哋簡直係天衣無縫嘅組合。（邊個好咀啲？）下唇咀小儀，上唇咀苟芸慧。」
而Bosco昨日出席劇集拜神時，即笑指與抱恙的苟芸慧拍咀戲後，即感覺喉嚨痕。而在劇中演「謝安腓」的徐子珊，將與「廑力信」Bosco及「張濟春」陳山聰有感情線，她表示以搞笑為主，並冇影射成分。
