前晚謝安琪（Kay）與逾百名歌迷在渡海小輪舉行祝捷會，慶祝新碟《Slowness》推出一周已達金唱片銷量，順道夜遊維港。Kay表示喜歡小輪，因它見證香港歷史，就如歌迷見證其音樂成長一樣。對於樂迷狂轟《叱咤》偏幫環球，並質疑容祖兒只得一個獎，Kay說：「我真係唔知，亦冇數其他公司有幾多個獎！（環球12個獎，英皇得4個？）陳奕迅、Mr.同張敬軒嘅歌都好受歡迎，係實至名歸！」對於因太太甘菁菁是商台高層，有指令《叱咤》獎項有偏幫之嫌，環球高層黃劍濤說：「唔再回應，唔想愈講愈複雜！我都麻木，佢做商台6年講足6年。陳奕迅係全個區域有認受性，有獎係理想當然！Kay喺09年受盡攻擊都跨過難關，張敬軒嘔心瀝血寫歌，Mr.嘅《如果我是陳奕迅》Hit到爆。總之獎係冇得爭，一切清者自清。 」