向來對Miffy公仔情有獨鍾的容祖兒，為了化身「黑兔女」，要在俏臉、粉頸、手腳和耳朵等位置都塗上黑色化妝顏料，連手指甲及腳趾亦不能幸免，再披上黑色毛毛衫及戴上兔仔耳，黑兔女造型維妙維肖，祖兒說：「因為Miffy係白色，我哋開會商量過，不如試吓油黑自己，入行10年好多嘢都試過，所以今次大膽啲同去盡啲。」
祖兒表示塗的全是黑色化妝顏料：「全部油上去，唔係電腦後期加工，影嗰陣要不停補妝，但出嚟效果真係好震撼，同事見到我都眼前一『黑』。」她透露上妝時間並非想像中那麼長，反而落妝及沖身的過程則較複雜：「第一次落妝沖身，以為乾淨晒，點知返到屋企，先發現指甲同腳甲、耳背等鬼祟位仲有顏料，要即刻洗完又洗，前後洗咗四次先搞掂！」