天后容祖兒去年成績有目共睹，歌曲大受歡迎，惟在剛過去的《叱咤樂壇頒獎禮》中竟爆出驚人賽果，祖兒雖獲「叱咤女歌手」金獎，但熱爆歌《搜神記》卻失落金曲獎，惹起網民及歌迷對賽果強烈不滿，更有歌迷要向廉政公署投訴賽果有偏幫之嫌。英皇行政總裁吳雨曾表示對賽果失望，強調「公道自在人心」。
昨日祖兒接受商台《巴巴閉邊個夠我查篤撐》訪問時，回應網民的強烈抗議，她說：「算啦！過咗去！好滿意當晚結果，感謝大家愛護，Fans激烈行為係對自己嘅肯定！（告上廉署？）太誇張！」對於吳雨戥她不值，她表示在公司立場，當然想得到更多獎項：「好似父母想個女得到回報，不過我大個女，知道自己攞住乜嘢喺手！」入行10周年的她，被問到是否想有個好Ending時，她說：「係Past 10，完成咗！連續三年奪金（叱咤女歌手金獎）係好交代，始終機制呢啲嘢，你去相信，好過猜疑同計算！」她又透露當晚Eason奪《叱咤》「十大」時有拍膊頭安慰她。
出碟搞新花臣
祖兒表示會為餘下的頒獎禮追趕陳奕迅（Eason）而努力：「追番都好，戰況激啲！」有指當晚何韻詩得獎時祖兒開心到喊，她說：「唔係！係為RubberBand，佢（阿詩）嗰晚好Lady，係『Lady CC』，我同佢係良師益友！」此外，祖兒現集中火力為本月底推出的全新EP《Joey Ten》搏命，向來愛搞花臣的她，今次化身「黑兔女」，並會以9個不同造型示人：「去年音樂會已經有1個造型，加埋今次9款，總共10款，十全十美！」
另外，容祖兒昨日接受訪問時更透露，希望30歲前結婚，但笑言會讓蔡卓妍（阿Sa）爬頭，而未婚的阿Sa則繼續為防子宮頸癌疫苗賣力，早前拍了新一輯廣告，呼籲女性小心保護自己：「之前抽時間打咗子宮頸癌疫苗，自己接受咗疫苗已經兩年幾，大家要好好保護自己嘅子宮，預防HPV病毒感染。」廣告中以獨立女性形象示人的阿Sa，對造型大感滿意。
