初嘗做老闆滋味，Toby表示雖然辛苦，但滿足感很大。她與友人合夥的Wedding Planner服務開業大半年，發展迅速，Toby更獲本地著名設計師何國鉦出手相助，擔任公司的新娘服裝顧問，有鑑於顧客來自不同階層，故她特別找來何國鉦服務VIP「貴客」，她表示要在對方身上偷師：「我依家一眼就可以睇出個女仔嘅身形，着咩Size，好清楚個女仔着咩衫最適合！」

Toby與設計師何國鉦為準新娘打扮得靚靚出嫁。

Toby邀得何國鉦出任顧問，自然不會放過偷師的機會。

父母擔心 補給湯水

Toby指目前所接的新婚服務定單，已排至2011年，令她相當滿意，更笑言這「副業」比其藝人正職更順利。不過，成功自然有代價，Toby因工作令休息不足，捱出壓力瘡及「生蛇」，更暴瘦20磅，令其無綫高層父親梁家樹大感心痛，母親更「哀求」她吃多點東西，並每天煲愛心湯水給女兒進補。

雖然公司業務忙碌，但Toby仍堅持幕前演出，未肯「言休」，她笑說：「我以前一年拍三、四部電視劇，但依家因為忙自己生意，我會拍少啲，一年一至兩部，我最近仲客串電影《72家租客》，遲啲又開劇。（壓力咁大唔擔心健康？）其實我要學攞個平衡，如果要計，拍劇都冇做生意咁大壓力。（點樣攞平衡？）間中拍吓劇，都係一種平衡，但我最大嘅心理平衡，其實來自我姨甥，我抱住佢玩，餵吓佢飲奶，已經好開心，好平靜、好滿足。」

Toby提供Wedding Planner服務，自然要面對一批批的幸福新人在面前「車輪轉」，感情未有着落的她難免失落，她直言渴望愛情，並指雖然緋聞不少，但卻未找到真命天子，可謂Dry到爆，她表示作為Wedding Planner搞手，沒有愛情體驗似乎不夠說服力，故會努力為生意尋愛。

人生大事 要有主題

未有愛情滋潤的Toby，仍會對新婚男女提供建設性提議，她說：「我會教一對新人婚禮要有主題，簡單但要有Point，最重要係結婚相，因為相係留喺身邊，隨時攞出嚟睇，有構圖有意思嘅回憶，睇番會好有Feel，至於其他婚禮上嘅環節，反而唔好堆砌咁多，香港女仔有呢個習慣，以為人生得一個婚禮，乜嘢都塞晒入去，反而太Over！」